بٸلٸم جەنە عىلىم مينيسترٸ اسحات ايماعامبەتوۆ اتتەستاتسييا كەزٸندە قايتىس بولعان مۇعالٸم تۋرالى ايتىپ, وقيعاعا قاتىستى پٸكٸر بٸلدٸردٸ, - دەپ حابارلايدى Tengrinews.kz تٸلشٸسٸ.
ٷكٸمەتتە ٶتكەن بريفينگتە جۋرناليستەر مينيستردەن الماتىدا بٸلٸكتٸلٸك تەستٸلەۋٸ كەزٸندە مۇعالٸم قايتىس بولعان قايعىلى وقيعا تۋرالى سۇرادى.
"بٸرٸنشٸدەن, مەن بۇل اتىشۋلى ٸستٸ اتتەستاتسييادان ٶتۋمەن بايلانىستىرمايمىن. ەكٸنشٸدەن, بۇل جەردە مەديتسينا قىزمەتكەرلەرٸنٸڭ جۇمىسىنا قاتىستى: مەديتسينا قىزمەتكەرٸ وسى جەردە بولۋعا مٸندەتتٸ بولاتىن, ال قىزمەتكەردٸڭ سول ۋاقىتتا جۇمىستا بولماۋى, ەرينە, ٷلكەن سيگنال. سوندىقتان بارلىق جوعارى وقۋ ورنى مەن بٸلٸم بەرۋ ۇيىمدارىنا قاجەتتٸ جۇمىستار جٷرگٸزٸلدٸ. وسىعان بايلانىستى ولاردىڭ ٷنەمٸ جۇمىستا بولۋى, قاجەت بولعان جاعدايدا تيٸستٸ كٶمەك كٶرسەتۋٸ ٷشٸن باقىلاۋ قامتاماسىز ەتٸلەدٸ", - دەدٸ ايماعامبەتوۆ.
بٸلٸم جەنە عىلىم مينيسترلٸگٸنٸڭ باسشىسى مارقۇم ەرٸپتەسٸ بٸلٸكتٸ مامان بولعانىن جەنە ٶزٸنە سەنگەنٸن ايتتى.
"ونىڭ اتتەستاتسييادان ٶتۋ قاجەتتٸلٸگٸ بولماعان, مەكتەپكە جۇمىسقا 2020 جىلى ورنالاسقانىنا بايلانىستى. ول باعدارلامانى جاقسى بٸلە وتىرىپ, تاپسىراتىنى نەمەسە تاپسىرمايتىنى تۋرالى الاڭداماي, قۇجاتتارىن ٶتكٸزۋدٸ ۇيعاردى", - دەدٸ مينيستر.
ايماعامبەتوۆ مۇعالٸم ەسەپتە تۇرعانىن جەنە سىرقاتى بولعانىن ەسكە الدى.
"تاڭەرتەڭ ٶزٸن بٸراز جايسىز سەزٸنگەن, تۋىستارى وعان بارماۋدى ۇسىنىپ, بۇل كٷندٸ ٶتكٸزۋگە كەڭەس بەرگەن. سوعان قاراماستان, ەرٸپتەسٸمٸز ٶزٸنە سەنٸمدٸ بولعان. ول مىقتى مامان بولاتىن, سوندىقتان تەستٸلەۋدەن ٶتەتٸن/ٶتپەيتٸنٸنە قاراماستان اتتەستاتسيياعا كەلۋدٸ ۇيعارعان", - دەدٸ ايماعامبەتوۆ.
15 سەۋٸردە الماتىدا ۇلتتىق بٸلٸكتٸلٸك تەستٸلەۋ كەزٸندە جەكەمەنشٸك مەكتەپتەردٸڭ بٸرٸنٸڭ 1973 جىلى تۋعان مۇعالٸمٸ قايتىس بولعانى بەلگٸلٸ بولدى.
كەيٸن بٸلٸم ۆيتسە-مينيسترٸ قايعىلى وقيعاعا قاتىستى پٸكٸر بٸلدٸرٸپ, ەر ادامنىڭ سوزىلمالى دەرتكە شالدىققانىن جەنە جٷرەك اۋرۋىنا بايلانىستى ەسەپتە بولعانىن ايتتى.
