Biyl qyrkúiek aiynda mektep muǵalimderi attestatsiiadan ótedi, dep xabarlaidy QazAqparat tilshisi.
QR Bilim jáne ǵylym vitse-ministri Asxat Aimaǵambetovtiń aitýynsha, osy ýaqytqa deiin úsh kategoriia boiynsha tólengen ústemeaqylardyń barlyǵy saqtalady.
"Buǵan deiin joǵary, birinshi jáne ekinshi kategoriialar boldy. Attestatsiianyń jańa júiesine sáikes, atalǵan kategoriialar boiynsha qazirgi barlyq ústemeaqylar saqtalady. Sonyń ústine qosymsha ústemaqy alamyn dese, jańa júie boiynsha ulttyq biliktilik testin tapsyrady. Odan keiin ekinshi kezeń bar. Ony da oidaǵydai tapsyrsa, biliktilik deńgeiine qarai 30-50 protsentke deiin ústemeaqy alýǵa bolady", - dedi A.Aimaǵambetov QazAqparat tilshisine bergen suxbatynda.
Vitse-ministrdiń sózine qaraǵanda, jaqyn arada attestatsiianyń jańa erejesi bekitiledi. Sonyń negizinde muǵalimderdiń biliktiligi tekseriletin bolady.
Aita keteiik, Úkimettiń búgingi otyrysynda QR Bilim jáne ǵylym ministri Erlan Saǵadiev qyrkúiekte muǵalimderdiń attestatsiiadan ótetinin málimdedi. Onyń aitýynsha, búginde respýblika boiynsha 285 myńnan astam muǵalim jumys isteidi. Olardyń teń jartysy - joǵary jáne birinshi sanattaǵy muǵalimder.
