Atbasar qalasynda 58 jastaǵy áiel óz páterinen pyshaq jaraqattarymen es-tússiz kúide tabyldy. Oqiǵa ornyna kelgen politsiia qyzmetkerleri páterge kirý úshin esikti buzýǵa májbúr bolǵan, dep habarlaidy ult.kz.
Aldyn ala málimet boiynsha, jábirlenýshiniń ish tusyna birneshe pyshaq jaraqaty salynǵan. Qylmysty kórshisi jasaýy múmkin degen boljam bar. Oqiǵadan keiin kúdikti áiel páterdiń esigin syrtynan jaýyp, pyshaqty ózimen birge alyp ketken degen aqparat aityldy.
Politsiia oqiǵa faktisin rastady. Kúdikti ustalyp, ýaqytsha ustaý izoliatoryna qamaldy.
Atalǵan fakti boiynsha densaýlyqqa qasaqana aýyr ziian keltirý baby boiynsha qylmystyq is qozǵaldy. Qazirgi ýaqytta oqiǵanyń barlyq mán-jaiy anyqtalyp jatyr.
