اتباسار قالاسىندا 58 جاستاعى ەيەل ٶز پەتەرٸنەن پىشاق جاراقاتتارىمەن ەس-تٷسسٸز كٷيدە تابىلدى. وقيعا ورنىنا كەلگەن پوليتسييا قىزمەتكەرلەرٸ پەتەرگە كٸرۋ ٷشٸن ەسٸكتٸ بۇزۋعا مەجبٷر بولعان, دەپ حابارلايدى ult.kz.
الدىن الا مەلٸمەت بويىنشا, جەبٸرلەنۋشٸنٸڭ ٸش تۇسىنا بٸرنەشە پىشاق جاراقاتى سالىنعان. قىلمىستى كٶرشٸسٸ جاساۋى مٷمكٸن دەگەن بولجام بار. وقيعادان كەيٸن كٷدٸكتٸ ەيەل پەتەردٸڭ ەسٸگٸن سىرتىنان جاۋىپ, پىشاقتى ٶزٸمەن بٸرگە الىپ كەتكەن دەگەن اقپارات ايتىلدى.
پوليتسييا وقيعا فاكتٸسٸن راستادى. كٷدٸكتٸ ۇستالىپ, ۋاقىتشا ۇستاۋ يزولياتورىنا قامالدى.
اتالعان فاكتٸ بويىنشا دەنساۋلىققا قاساقانا اۋىر زييان كەلتٸرۋ بابى بويىنشا قىلمىستىق ٸس قوزعالدى. قازٸرگٸ ۋاقىتتا وقيعانىڭ بارلىق مەن-جايى انىقتالىپ جاتىر.
