Aqmola oblysynyń turǵyny 65 jastaǵy anasyn uryp óltirdi, dep habarlaidy "Ult aqparat" oblystyq PD baspasóz qyzmetine silteme jasap.
Vedomstvonyń málimetinshe, biylǵy jylǵy maýsymnyń 29-da Atbasar aýdandyq PB kezekshi bólimine ýchaskelik politsiia inspektory habarlasyp, 40 jastaǵy jergilikti turǵyndy ustaǵanyn aitqan.
«Anyqtalǵandai, oqiǵa bolǵan kúni qaskúnem úige mas kúiinde kelgen, al janjal kezinde ol 65 jastaǵy anasyn birneshe ret judyryqpen uryp qalǵan. Soqqydan keiin anasy kenetten kóz jumǵan. Sot-meditsinalyq saraptamanyń qorytyndysy boiynsha áiel bassúiek-mi jaraqaty saldarynan kóz jumǵan», - dedi vedomstvodan.
Qazirgi kezde osy oqiǵaǵa bailanysty Qylmystyq kodekstiń 106 babynyń 3-shi bóligi «Densaýlyqqa qasaqana aýyr ziian keltirý» boiynsha sotqa deiingi is qozǵaldy.
Kúdiktige qatysty kúzetpen ustaý túrindegi bultartpaý sharasy tańdaldy.
