اقمولا وبلىسىنىڭ تۇرعىنى 65 جاستاعى اناسىن ۇرىپ ٶلتٸردٸ, دەپ حابارلايدى "ۇلت اقپارات" وبلىستىق پد باسپاسٶز قىزمەتٸنە سٸلتەمە جاساپ.
ۆەدومستۆونىڭ مەلٸمەتٸنشە, بيىلعى جىلعى ماۋسىمنىڭ 29-دا اتباسار اۋداندىق پب كەزەكشٸ بٶلٸمٸنە ۋچاسكەلٸك پوليتسييا ينسپەكتورى حابارلاسىپ, 40 جاستاعى جەرگٸلٸكتٸ تۇرعىندى ۇستاعانىن ايتقان.
«انىقتالعانداي, وقيعا بولعان كٷنٸ قاسكٷنەم ٷيگە ماس كٷيٸندە كەلگەن, ال جانجال كەزٸندە ول 65 جاستاعى اناسىن بٸرنەشە رەت جۇدىرىقپەن ۇرىپ قالعان. سوققىدان كەيٸن اناسى كەنەتتەن كٶز جۇمعان. سوت-مەديتسينالىق ساراپتامانىڭ قورىتىندىسى بويىنشا ەيەل باسسٷيەك-مي جاراقاتى سالدارىنان كٶز جۇمعان», - دەدٸ ۆەدومستۆودان.
قازٸرگٸ كەزدە وسى وقيعاعا بايلانىستى قىلمىستىق كودەكستٸڭ 106 بابىنىڭ 3-شٸ بٶلٸگٸ «دەنساۋلىققا قاساقانا اۋىر زييان كەلتٸرۋ» بويىنشا سوتقا دەيٸنگٸ ٸس قوزعالدى.
كٷدٸكتٸگە قاتىستى كٷزەتپەن ۇستاۋ تٷرٸندەگٸ بۇلتارتپاۋ شاراسى تاڭدالدى.
