Metallýrg kúnine orai QR Indýstriia jáne infraqurylymdyq damý ministri Beibit Atamqulov Qazaqstannyń metallýrgiialyq kásiporyndarynyń ókilderimen kezdesý ótkizdi, dep habarlaidy "Ult aqparat".
Vedomstvo taratqan málimetke sensek, beiresmi formatta uiymdastyrylǵan kezdesýde metallýrgterdi tolǵandyryp júrgen saladaǵy ózekti máseleler, olardy sheshý joldary talqylanǵan.
Atap aitqanda, mamandar daiarlaý, jalaqy, eńbek jaǵdailaryn jaqsartý siiaqty taqyryptar qozǵaldy.
Beibit Atamqulov 35 jyl buryn óziniń eńbek jolyn balqytý peshinen bastaǵan.
Ǵumyrynyń biraz jylyn metallýrgiiaǵa arnaǵan ministr tabandylyq pen tózimdilikti talap etetin bul mamandyqtyń qyr-syryn, qiyndyqtaryn jaqsy biledi.
Kezdesý sońynda QR IIDM basshysy kezdesýge qatysýshylardy kásibi merekelerimen quttyqtap, «ArselorMittal Temirtaý» AQ konvertory-bolat balqytýshysy Vasilii Pastýhqa, «Qazaqstan elektroliz zaýyty» AQ elektrodtar óndirý tsehynyń anod-montajdaý ýchaskesiniń 6-razriadty anod quiýshysy Nurolla Mataevqa, «Qazhrom «TUK« AQ ferroqorytpalaryn balqytýshysy Beisembai Kúlsháripovke, «Qazmyrysh« JShS injener-metallýrgy Jambyl Estaevqa jáne «Ferrým« JShS metallýrgi Ábdirashit Omarovqa salanyń damýyna qosqan úlesi men eren eńbegi úshin alǵys hat tabystady.
Aita keteiik, metallýrgiia ónerkásibine óńdeý ónerkásibi kóleminiń jartysy tiesili.
Sońǵy 10 jylda óndiris kólemi 3,5 ese ósti (2010 jyly - 1,6 trln teńge, 2020 jyly - 5,6 trln).
Eńbek ónimdiligi 3 ese artty (2010-jyly 10,4 mln teńge/adam, 2020 jyly 31,8 mln teńge/adam ).
Óndiristik kásiporyndarda 83 myńnan astam adam eńbek etedi.
