مەتاللۋرگ كٷنٸنە وراي قر يندۋسترييا جەنە ينفراقۇرىلىمدىق دامۋ مينيسترٸ بەيبٸت اتامقۇلوۆ قازاقستاننىڭ مەتاللۋرگييالىق كەسٸپورىندارىنىڭ ٶكٸلدەرٸمەن كەزدەسۋ ٶتكٸزدٸ, دەپ حابارلايدى "ۇلت اقپارات".
ۆەدومستۆو تاراتقان مەلٸمەتكە سەنسەك, بەيرەسمي فورماتتا ۇيىمداستىرىلعان كەزدەسۋدە مەتاللۋرگتەردٸ تولعاندىرىپ جٷرگەن سالاداعى ٶزەكتٸ مەسەلەلەر, ولاردى شەشۋ جولدارى تالقىلانعان.
اتاپ ايتقاندا, ماماندار دايارلاۋ, جالاقى, ەڭبەك جاعدايلارىن جاقسارتۋ سيياقتى تاقىرىپتار قوزعالدى.
بەيبٸت اتامقۇلوۆ 35 جىل بۇرىن ٶزٸنٸڭ ەڭبەك جولىن بالقىتۋ پەشٸنەن باستاعان.
عۇمىرىنىڭ بٸراز جىلىن مەتاللۋرگيياعا ارناعان مينيستر تاباندىلىق پەن تٶزٸمدٸلٸكتٸ تالاپ ەتەتٸن بۇل ماماندىقتىڭ قىر-سىرىن, قيىندىقتارىن جاقسى بٸلەدٸ.
كەزدەسۋ سوڭىندا قر ييدم باسشىسى كەزدەسۋگە قاتىسۋشىلاردى كەسٸبي مەرەكەلەرٸمەن قۇتتىقتاپ, «ارسەلورميتتال تەمٸرتاۋ» اق كونۆەرتورى-بولات بالقىتۋشىسى ۆاسيليي پاستۋحقا, «قازاقستان ەلەكتروليز زاۋىتى» اق ەلەكترودتار ٶندٸرۋ تسەحىنىڭ انود-مونتاجداۋ ۋچاسكەسٸنٸڭ 6-رازريادتى انود قۇيۋشىسى نۇروللا ماتاەۆقا, «قازحروم «تۇك« اق فەرروقورىتپالارىن بالقىتۋشىسى بەيسەمباي كٷلشەرٸپوۆكە, «قازمىرىش« جشس ينجەنەر-مەتاللۋرگى جامبىل ەستاەۆقا جەنە «فەررۋم« جشس مەتاللۋرگٸ ەبدٸراشيت وماروۆقا سالانىڭ دامۋىنا قوسقان ٷلەسٸ مەن ەرەن ەڭبەگٸ ٷشٸن العىس حات تابىستادى.
ايتا كەتەيٸك, مەتاللۋرگييا ٶنەركەسٸبٸنە ٶڭدەۋ ٶنەركەسٸبٸ كٶلەمٸنٸڭ جارتىسى تيەسٸلٸ.
سوڭعى 10 جىلدا ٶندٸرٸس كٶلەمٸ 3,5 ەسە ٶستٸ (2010 جىلى - 1,6 ترلن تەڭگە, 2020 جىلى - 5,6 ترلن).
ەڭبەك ٶنٸمدٸلٸگٸ 3 ەسە ارتتى (2010-جىلى 10,4 ملن تەڭگە/ادام, 2020 جىلى 31,8 ملن تەڭگە/ادام ).
ٶندٸرٸستٸك كەسٸپورىنداردا 83 مىڭنان استام ادام ەڭبەك ەتەدٸ.
