Biyl respýblikalyq joldardyń boiynda ulttyq standartqa sai qyzmet kórsetetin 125 nysan salynady, dep habarlaidy QazAqparat.
Búgingi tańda respýblikalyq mańyzdaǵy joldardyń boiynda 1854 qyzmet kórsetý nysany jumys isteidi. Onyń ishinde 1070-i, iaǵni, 58%-y ulttyq standart talaptaryna sáikes keledi. Indýstriia jáne infraqurylymdyq damý ministri Beibit Atamqulov osyndai statistika keltirdi.
«Biz Memleket basshysynyń tapsyrmasyna sáikes 2025 jylǵa deiin barlyq joldardy Ulttyq standarttarǵa sáikes keletin jol boiyndaǵy qyzmet kórsetý nysandarymen qamtamasyz etemiz. Jol boiyndaǵy qyzmet kórsetý nysandary boiynsha talaptar bekitilgen. Olardy damytý jumystaryn «QazAvtoJol» ulttyq kompaniiasy júrgizýde», - degen ministr jyl sońyna deiin osy talaptarǵa sai keletin 125 jańa nysan salynatynyn aitty.
«Iakorlyq investorlar esebinen sanitariia toraptary men tamaqtaný pýnktteri bar 38 janarmai quiý stantsiiasy, jeke investitsiialar esebinen jáne qaita jóndeý jumystary aiasynda 87 sanitarlyq-gigienalyq torap salynady.
Biyl normativtik talaptarǵa sai keletin nysandar úlesi 66 paiyzǵa (1322 birlik) deiin jetkiziledi», - dedi vedomstvo basshysy.
Óz sózinde Beibit Atamqulov, 2025 jylǵa deiin qosymsha 400-den astam zamanaýi nysan salynatynyn eske saldy.
«Jol boiyndaǵy qyzmet kórsetý nysandaryn salý jáne olardyń jaǵdaiy qoǵamda keńinen talqylanýda. Osy rette oblys ákimdikteri men «Atameken» ulttyq kásipkerler palatasy atalǵan jumysqa belsene qatysýy kerek. Jańa trassalyq keshender qurylysy boiynsha Aqtóbe (4), Almaty (3) jáne Qaraǵandy (3) oblystary oń nátije (A jáne V sanattary) kórsetýde. Soltústik Qazaqstan (38 paiyz) jáne Mańǵystaý oblystary (43 paiyz) qoldanystaǵy nysandardy normativti talaptarǵa keltirý jumystaryn kúsheitýi qajet», - dedi Beibit Atamqulov.
