Qyrǵyzstan prezidenti Almazbek Atambaev ókilettiliginiń aiaqtalýyna bir ai qalǵanda qysqa ýaqytqa demalysqa shyqty, - dep habarlaidy RIA Novosti el basshysynyń baspasóz qyzmetine silteme jasap.
Atambaev demalysqa 30 qazanda shyqqany naqtylandy.
"Demalys kezinde prezident Qyrǵyz Respýblikasynyń 2040 jylǵa deiingi turaqty damýynyń ulttyq strategiiasynyń sońǵy nusqasyn jasaýmen ainalysady", - deidi baspasóz qyzmetiniń ókilderi.
Atambaev prezidenttik qyzmetine 2011 jyly kirisken. 2017 jyldyń 1 jeltoqsanynda konstitýtsiia boiynsha onyń prezidenttik ókilettigi toqtaidy. Eldegi biylǵy prezident sailaýy 15 qazanda ótken bolatyn. Sailaýda qazirgi prezidenttiń Sotsial-demokratiialyq partiiasy atynan qatysqan Sooronbai Jeenbekov jeńiske jetti. Sailaý qorytyndysy resmi túrde áli jariialanǵan joq.
