قىرعىزستان پرەزيدەنتٸ المازبەك اتامباەۆ ٶكٸلەتتٸلٸگٸنٸڭ اياقتالۋىنا بٸر اي قالعاندا قىسقا ۋاقىتقا دەمالىسقا شىقتى, - دەپ حابارلايدى ريا نوۆوستي ەل باسشىسىنىڭ باسپاسٶز قىزمەتٸنە سٸلتەمە جاساپ.
اتامباەۆ دەمالىسقا 30 قازاندا شىققانى ناقتىلاندى.
"دەمالىس كەزٸندە پرەزيدەنت قىرعىز رەسپۋبليكاسىنىڭ 2040 جىلعا دەيٸنگٸ تۇراقتى دامۋىنىڭ ۇلتتىق ستراتەگيياسىنىڭ سوڭعى نۇسقاسىن جاساۋمەن اينالىسادى", - دەيدٸ باسپاسٶز قىزمەتٸنٸڭ ٶكٸلدەرٸ.
اتامباەۆ پرەزيدەنتتٸك قىزمەتٸنە 2011 جىلى كٸرٸسكەن. 2017 جىلدىڭ 1 جەلتوقسانىندا كونستيتۋتسييا بويىنشا ونىڭ پرەزيدەنتتٸك ٶكٸلەتتٸگٸ توقتايدى. ەلدەگٸ بيىلعى پرەزيدەنت سايلاۋى 15 قازاندا ٶتكەن بولاتىن. سايلاۋدا قازٸرگٸ پرەزيدەنتتٸڭ سوتسيال-دەموكراتييالىق پارتيياسى اتىنان قاتىسقان سوورونباي جەەنبەكوۆ جەڭٸسكە جەتتٸ. سايلاۋ قورىتىندىسى رەسمي تٷردە ەلٸ جارييالانعان جوق.
