Foto: KTK siýjetinen kadr
Dziýdodan Aziia chempiony bolǵan sportshy Damir Isahanov qomaqty qarjysyn qaitarmaq bolyp, qastandyqqa tap boldy. Týystarynyń aitýynsha, Isahanov eki jyl boiy 300 myń dollaryn qaitara almai júr. Aqshasyn suraǵany úshin sportshyǵa shabýyl jasalyp, pyshaq jaraqatyn alǵan. Bul týraly KTK telearnasy habarlady.
Oqiǵa eki apta buryn kúndiz qaladaǵy meiramhanalardyń biriniń janynda bolǵan. Qaryz alǵandarmen kezdesýge barǵan Isahanov janjal shyǵyp ketetinin sezip, syrtqa shyqqan. Kóligine minýge oqtalǵanda, bir top er adam ony qorshap, júrek tusyna pyshaq suqqan. Osy sátte onyń qasynda enesi de bolǵan.
Damir Isahanovtyń enesi Sáýle Sabyrhanova oqiǵa shamamen 5-10 minýtqa sozylǵanyn, shabýyl jasaýshylar birneshe ret qorqytqanyn jáne bylapyt sózder aitqanyn jetkizdi. Oqiǵa ornynda bolǵan Sabyrhanova Damir qansyrap fontanǵa qulap ketkenin kórgen.
Sportshyǵa ota jasaldy, qazirgi jaǵdaiy birqalypty. Pyshaq jaraqatyn salǵan kúdikti ustalyp, tergeý júrgizilip jatyr. Almaty Politsiia departamenti ókilderi tergeý baqylaýda ekenin málimdedi. Eki jylǵa sozylǵan qaryz daýyna bailanysty kúdiktiler sportshyǵa úi berýge kelisken, alaida ony da bosatpaǵan. Damir bul istiń sońyna deiin barýǵa bel býyp otyr.
