Birikken Arab Ámirlikteriniń Dýbai qalasynda jáne Túrkiia astanasy - Ankarada biik ǵimarattar Qazaqstan Respýblikasy týynyń túsine boialdy, dep habarlaidy "Ult aqparat".
Qazaqstannyń Túrkiiadaǵy Elshiligi áleýmettik jelidegi paraqshasynda Ankaradaǵy TOBB ǵimaratyndaǵy kórinisti bólisti.
«Qazaqstan Respýblikasynyń Táýelsizdik kúnine bailanysty Túrkiianyń elordasy Ankara qalasynyń tórinde TOBB ǵimaratynda búgin kók bairaǵymyz jelbiredi» delingen habarlamada.
Sondai-aq, BAÁ-degi QR elshiligi álemdegi eń biik ǵimarat — «Býrdj Halifa» memlekettik týymyzdyń túsine boialǵanyn habarlady.
Aita keteiik, buǵan deiin Saýd Arabiia Koroli Salman ben Abdelaziz Ál Saýd jáne Saýd Arabiiasy Koroldiginiń Taq murageri Muhammed ben Salman Ál Saýd QR Prezidenti Qasym-Jomart Toqaevty jáne Qazaqstan halqyn Táýelsizdik kúnimen quttyqtaǵanyn habarlaǵan edik.
