QR eńbek sińirgen ártisi Gúlnár Siqymbaeva dúnieden ótti. Qaraly habardy jýrnalist Oralhan Dáýit jazdy, dep habarlaidy Ult.kz.
"Qairan, Gúlnár ápke... Bir aýylda týyp-óssek te júzbe-júz sóilesýdi Alla Taǵalam jazbaǵan eken. Telefon arqyly talai márte áńgimelesip, suhbat ta aldym. Óte ashyq jarqyn, keremet jan edińiz. Ómirden erte ótken anańyz týraly jii aityp, muńaiyp qalýshy edińiz. Endi mine, aiaq astynan anańyzdyń artynan attanyp kete barypsyz... Alla Taǵalam o dúnieńizdi bersin. Aǵaiyn, búgin belgili ánshi, Qazaqstan Respýblikasynyń eńbek sińirgen artisi Gúlnar Siqymbaeva qaitys boldy. Janazasy 6-qazan kúni saǵat 12-de Túrkistan oblysy Tólebi aýdany Jambyl aýylynda ózi týyp-ósken qarashańyraqta ótedi", - dep jazdy jýrnalist paraqshasynda.
Massaget.kz saitynyń málimetinshe, Gúlnár Siqymbaeva otbasyndaǵy on bes balanyń úlkeni. Shymkent irgesindegi Lengir aýdanyndaǵy Maibulaq taýly aýylynda ósken. 1985 jyly Gúlnár Siqymbaeva "Gúlderge" qabyldanyp, tanymal ansamblde óner kórsetken. Qazaq, orys, túrik, tájik tilderinde ánderi bar. Qyrǵyzstan jáne Qazaqstan Respýblikasynyń eńbek sińirgen ártisi.
