«Atakent» iskerlik ortalyǵyn qaita jańǵyrtý jobasynyń videosy jariialandy, dep habarlaidy QazAqparat tilshisi.
Bul rolik Atakenttiń Instagram jelisindegi paraqshasynda jariialandy.
Jobany jasaý 2018 jyly bastalǵan. Kórme pavilondaryna kelýshilerge yńǵaily orta qalyptastyrylady.
«Joba boiynsha kórmeniń ainalasy abattandyrylady. Batys jaq turaqtan ortalyq alleiaǵa kesip ótetin jol salynady. Pavilondardyń qasbetteri zamanaýi kelbet alady. Al ishki injenerlik infraqurylym qaita jańǵyrtýdan soń álemdik standarttarǵa sai bolmaq», - delingen jazbada.
Atakent aimaǵynda týristik marshrýt jasaý josparda bar. Bul baǵdarǵa eki eko elektrobýs qyzmet etetin bolady. Yńǵaily aialdamalar salynady.
Ol jerlerde Almatynyń kartasy ornalaspaq.
Aita keter jait, Almaty ákimdigi Atakent aýmaǵyndaǵy aǵashtardy kespeitin boldy.
«Atakent – Almatynyń ekologiianyń tazalyǵyna áser etetin bolady. Jyl saiyn saiabaq, aǵash, gúlder otyrǵyzylady. Munda saiabaq aimaǵy 30 gektardy alyp jatyr. 59 túrli 9 130 aǵash jaiqalyp tur. Munda qustar uia salady. Qurqyltai, sýyrlar, tiinder, kesirtkeler basqa da janýarlar barshylyq», - deidi ortalyq ókilderi.
