«اتاكەنت» ٸسكەرلٸك ورتالىعىن قايتا جاڭعىرتۋ جوباسىنىڭ ۆيدەوسى جارييالاندى, دەپ حابارلايدى قازاقپارات تٸلشٸسٸ.
بۇل روليك اتاكەنتتٸڭ Instagram جەلٸسٸندەگٸ پاراقشاسىندا جارييالاندى.
جوبانى جاساۋ 2018 جىلى باستالعان. كٶرمە پاۆيلوندارىنا كەلۋشٸلەرگە ىڭعايلى ورتا قالىپتاستىرىلادى.
«جوبا بويىنشا كٶرمەنٸڭ اينالاسى اباتتاندىرىلادى. باتىس جاق تۇراقتان ورتالىق اللەياعا كەسٸپ ٶتەتٸن جول سالىنادى. پاۆيلونداردىڭ قاسبەتتەرٸ زاماناۋي كەلبەت الادى. ال ٸشكٸ ينجەنەرلٸك ينفراقۇرىلىم قايتا جاڭعىرتۋدان سوڭ ەلەمدٸك ستاندارتتارعا ساي بولماق», - دەلٸنگەن جازبادا.
اتاكەنت ايماعىندا تۋريستٸك مارشرۋت جاساۋ جوسپاردا بار. بۇل باعدارعا ەكٸ ەكو ەلەكتروبۋس قىزمەت ەتەتٸن بولادى. ىڭعايلى ايالدامالار سالىنادى.
ول جەرلەردە الماتىنىڭ كارتاسى ورنالاسپاق.
ايتا كەتەر جايت, الماتى ەكٸمدٸگٸ اتاكەنت اۋماعىنداعى اعاشتاردى كەسپەيتٸن بولدى.
«اتاكەنت – الماتىنىڭ ەكولوگييانىڭ تازالىعىنا ەسەر ەتەتٸن بولادى. جىل سايىن ساياباق, اعاش, گٷلدەر وتىرعىزىلادى. مۇندا ساياباق ايماعى 30 گەكتاردى الىپ جاتىر. 59 تٷرلٸ 9 130 اعاش جايقالىپ تۇر. مۇندا قۇستار ۇيا سالادى. قۇرقىلتاي, سۋىرلار, تيٸندەر, كەسٸرتكەلەر باسقا دا جانۋارلار بارشىلىق», - دەيدٸ ورتالىق ٶكٸلدەرٸ.
