Foto: ashyq derekkóz
Ishki ister ministrligi azamattarǵa, ásirese jastarǵa, áleýmettik jelilerdegi arandatýshylyq áreketterge ermeý jóninde úndeý jasady, dep habarlaidy Ult.kz.
Ministrlik sońǵy ýaqytta “haip”, laik nemese onlain-tanymaldyq úshin jasalatyn ádepsiz áreketterdiń kóbeigenin atap ótti. Kei jastar saýda ortalyqtary men kóshelerde aiqailap, jartylai jalańash júgirip, jurtqa kedergi keltirip, ózin “shoý” etip túsirip júrgeni anyqtalǵan.
IIM málimetinshe, jýyrda elordada osyndai is-áreketke barǵan azamat ákimshilik quqyqbuzýshylyq úshin 15 táýlikke qamaýǵa alyndy.
– Laik pen qaralym jinaý úshin jasalǵan mundai áreket batyldyq ta, kreativ te emes. Bul – qoǵamdyq tártipti buzý, kópshilikke qurmetsizdik kórsetý jáne ar-uiatqa jat qylyq. Kúmándi internet-trendterge ermeńizder. Ózińizdi de, ainaladaǵy adamdardy da qurmetteńizder. Naǵyz abyroi jaqsy is pen durys áreket arqyly keledi, – dedi IIM resmi ókili Shyńǵys Alekeshev.
Ministrlik mundai jaǵdailarǵa qatań tosqaýyl qoiylatynyn jáne qoǵamdyq tártip pen azamattardyń qaýipsizdigi únemi baqylaýda bolatynyn málimdedi.
“Internette de, kúndelikti ómirde de mádeniet pen parasattylyqty saqtaiyq”, – delingen IIM úndeýinde.
Oqi otyryńyz: Qazaqstandyqtar blogerdiń «tegin páteri» úshin essiz áreketke barýda
