Astanada saparmen júrgen Túrkiia Prezidenti Rejep Taiyp Erdoǵan áleýmettik jelide sýretter bólisip, Qazaqstandy "ata-babamyzdyń jeri" dep atady, - dep habarlaidy "Ult aqparat".
"Ata topraklarimizda… ("Ata-babalarymyzdyń jerinde")", - dep jazdy Túrkiia basshysy Instagram paraqshasynda.
Aita keteiik, Erdoǵan Qazaqstan Prezidentiniń shaqyrýymen sársenbi, 12 qazanda Astanaǵa keldi.
Ol Toqaevpen ekijaqty kezdesý ótkizip, Qazaqstan men Túrkiia arasyndaǵy joǵary deńgeidegi strategiialyq yntymaqtastyq keńesiniń otyrysyna qatysty.
Toqaev Erdoǵanmen kezdesýinde oǵan 1-dárejeli "Dostyq" ordenin tapsyryp, Túrkiiany "Qazaqstannyń eń jaqyn jáne senimdi strategiialyq seriktesi" dep atady.
13 qazanda Túrkiia basshysy Aziiadaǵy ózara yqpaldastyq jáne senim sharalary keńesiniń (AÓSShK) altynshy sammitine qatysady.
