Jańa oqý jylynda oqýshylardyń mektep formasy qandai bolady? Bul saýalǵa Oqý-aǵartý ministri Ashat Aimaǵambetov jaýap berdi, dep habarlaidy Ulysmedia.kz.
«Qoldanystaǵy buiryq boiynsha mektep formasynyń túsi men úlgisi qamqorshylyq keńesimen birlesip anyqtalady. Elimizde 7,5 myń mektep bar jáne teoriialyq turǵydan alǵanda 7,5 myń forma túri bolýy múmkin, biraq bul eshkimge qolaily emes. Mysaly, Pavlodardy alaiyq. Bala bir mektepten ekinshisine aýysady, sonda mektep formasyn da aýystyrýy qajet qoi. Munyń nesi yńǵaily?», - dedi ministr.
Ashat Aimaǵambetovtiń sózinshe, ata-analar kei mektep basshylarynyń mektep formasyna tym kóp talap qoiatynyna jii shaǵymdanady. Ádette ondai forma jai ǵana bazarda nemese saýda ortalyqtarynda kezdespeidi. Sodan keiin olar ony belgili bir jetkizýshiden satyp alýdy usynady eken.
«Endi bir ákimshilik birlik, mysaly, Nur-Sultanda barlyq mektepte qandai forma bolatynyn jariialaidy. Ony bazardan da, saýda úiinen de satyp alýǵa bolady. Eger bala bir mektepten ekinshisine aýyssa, onda da qiyndyq bolmaidy. Bul ata-analar úshin yńǵaily jáne tiimdirek. Osyndai norma kelesi jyldan bastap kúshine enetinin atap ótemin», - dedi vedomstvo basshysy.
Eske sala ketsek, ótken aida ministrlik «Orta bilim berý uiymdary úshin mindetti mektep formasyna qoiylatyn talaptardy bekitý týraly» buiryǵyna ózgertýler ázirlep, qujat 22 maýsymǵa deiin qoǵamdyq talqylaý úshin NQA saitynda jariialanǵan.
Jýyrda Nur-Sultan qalalyq bilim basqarmasy elordada qara-kók tústi biryńǵai mektep formasy engizilgenin málimdedi.
