Muǵalimder táýlik boiy jumys istep jatyr. Bul týraly QR Bilim jáne ǵylym ministri Ashat Aimaǵambetov Instagram jelisinde ótken tikelei efirde aitty, dep habarlaidy "Ult aqparat".
«Qazir muǵalimderdiń jumys júktemesi birneshe ese artyp ketti. Olar táýlik boiy jumys istep júr dese bolady. Az ýaqyt ishinde jańa jaǵdaiǵa beiimdele alǵandary úshin úlken alǵys aitamyn. Qazirgi ýaqytta ata-ana balasymen otyrǵandyqtan, balalarynyń bilim alýyna kómektesip jatyr. Olar pedagog bolýdyń qanshalyqty qiyn ekenin túsingen bolar. Bul da olar úshin – úlken sabaq. Bir synypta otyrǵan 25 balaǵa sabaq berip, kelesi synypqa ketý men qashyqtan sabaq berýdiń aiyrmashylyǵy kóp. Ustazdardyń eńbegine, olardyń tabandylyǵyna alǵys aitamyz», - deidi Ashat Aimaǵambetov.
Ministr qashyqtan oqytýdyń keibir oqýshylarǵa jaqsy áser etkenin de atap ótti.
«Ata-ana men balasy birge sabaq qaraý – qalypty jaǵdai. Ata-analardyń túsinistikpen qaraýyn suraimyn. Muǵalimderdiń kóbi jaqsy oqityn bala qashyqtan oqyǵan kezde de jaqsy oqýyn jalǵastyra beretinin aitady. Al mektepte belsendi emes, ortasha oqityn balalar qashyqtan oqyǵan kezde kersinshe belsendilik tanytyp, tereń suraqtar qoiyp, ózderin múlde basqa qyrynan kórsetýde», - deidi ol.
