مۇعالٸمدەر تەۋلٸك بويى جۇمىس ٸستەپ جاتىر. بۇل تۋرالى قر بٸلٸم جەنە عىلىم مينيسترٸ اسحات ايماعامبەتوۆ Instagram جەلٸسٸندە ٶتكەن تٸكەلەي ەفيردە ايتتى, دەپ حابارلايدى "ۇلت اقپارات".
«قازٸر مۇعالٸمدەردٸڭ جۇمىس جٷكتەمەسٸ بٸرنەشە ەسە ارتىپ كەتتٸ. ولار تەۋلٸك بويى جۇمىس ٸستەپ جٷر دەسە بولادى. از ۋاقىت ٸشٸندە جاڭا جاعدايعا بەيٸمدەلە العاندارى ٷشٸن ٷلكەن العىس ايتامىن. قازٸرگٸ ۋاقىتتا اتا-انا بالاسىمەن وتىرعاندىقتان, بالالارىنىڭ بٸلٸم الۋىنا كٶمەكتەسٸپ جاتىر. ولار پەداگوگ بولۋدىڭ قانشالىقتى قيىن ەكەنٸن تٷسٸنگەن بولار. بۇل دا ولار ٷشٸن – ٷلكەن ساباق. بٸر سىنىپتا وتىرعان 25 بالاعا ساباق بەرٸپ, كەلەسٸ سىنىپقا كەتۋ مەن قاشىقتان ساباق بەرۋدٸڭ ايىرماشىلىعى كٶپ. ۇستازداردىڭ ەڭبەگٸنە, ولاردىڭ تاباندىلىعىنا العىس ايتامىز», - دەيدٸ اسحات ايماعامبەتوۆ.
مينيستر قاشىقتان وقىتۋدىڭ كەيبٸر وقۋشىلارعا جاقسى ەسەر ەتكەنٸن دە اتاپ ٶتتٸ.
«اتا-انا مەن بالاسى بٸرگە ساباق قاراۋ – قالىپتى جاعداي. اتا-انالاردىڭ تٷسٸنٸستٸكپەن قاراۋىن سۇرايمىن. مۇعالٸمدەردٸڭ كٶبٸ جاقسى وقيتىن بالا قاشىقتان وقىعان كەزدە دە جاقسى وقۋىن جالعاستىرا بەرەتٸنٸن ايتادى. ال مەكتەپتە بەلسەندٸ ەمەس, ورتاشا وقيتىن بالالار قاشىقتان وقىعان كەزدە كەرسٸنشە بەلسەندٸلٸك تانىتىپ, تەرەڭ سۇراقتار قويىپ, ٶزدەرٸن مٷلدە باسقا قىرىنان كٶرسەتۋدە», - دەيدٸ ول.
