Qazirgi qazaq qoǵamynda ulttyq rýhani qundylyqtardy urpaqqa qalai bere bilýimiz kerek? Qoǵam qairatkeri Asyly Osman osy máselege qatysty pikirin bildirdi, dep habarlaidy QazAqparat.
«Qoǵamdyq quratyn da, onyń tiregi de – analar. Til men dinniń egiz ekenin eshkim shetke shyǵara almaidy. Tiliń men diniń de – sizdiń jan dúnieńizdegi rýhani dúnieńiz. Rýhani dúnieni ulttyń janyna uialata alatyn – ana. Al meniń qazaǵymnyń burynǵy analary men qazirgi analardy salystyrýǵa bola ma? Eshkimdi jatsynbaityn qazaǵym adami asyl qasietin boiynda saqtasa deimin. Qazaq ózgege basqaǵa úlgi bolsa eken degen bar arman-tilegim. Onyń barlyǵy tek til arqyly ǵana urpaqtyń janyna uialaitynyn esh ýaqytta umytpaiyq. Biraq, eger qyzdary óziniń ana tilin bilmese – ol ultynyń boiyndaǵy adami asyl qasietimen, ádetin, ǵurpyn, saltyn qalai sezedi. Tarihty, mádenietti, ádebietti jetkizetin kómeidegi sóz benen tańdaidaǵy til ǵana», - dedi Asyly Osman elordada áielder uiymdarynyń róli talqylanyp jatqan jiynda.
Qoǵam qairatkeriniń aitýynsha, dástúrli dinimizdi óz qalpynda saqtaýymyz kerek.
«Árkim óziniń otbasynda dinin saqtasyn. Sińlilerim, kelinderim ana tilin bilmese qaitip óziniń ádetin, ǵurpyn, saltyn balasynyń boiyna jetkize alady. Sondyqtan, meniń aitarym, eń negizgi uiytqy bolatyn – til men tárbie der edim. Baýyrlarym tárbieni qazirgi jaǵdaida úlkenimiz bolsyn, kishimiz bolsyn - tárbieni birinshi orynǵa qoiyp, urpaqty ata-babamyzdan kele jatqan rýhta táribeleýimiz kerek», - dedi Asyly Osman.
Aita ketsek, elordada «Jastardy rýhani, adamgershilik tárbieleýdegi jáne radikaldy dini ideologiiaǵa immýnitetti qalyptastyrýdaǵy áielder uiymdarynyń róli» atty respýblikalyq ǵylymi-praktikalyq konferentsiia ótip jatyr.
