قازٸرگٸ قازاق قوعامىندا ۇلتتىق رۋحاني قۇندىلىقتاردى ۇرپاققا قالاي بەرە بٸلۋٸمٸز كەرەك? قوعام قايراتكەرٸ اسىلى وسمان وسى مەسەلەگە قاتىستى پٸكٸرٸن بٸلدٸردٸ, دەپ حابارلايدى قازاقپارات.
«قوعامدىق قۇراتىن دا, ونىڭ تٸرەگٸ دە – انالار. تٸل مەن دٸننٸڭ ەگٸز ەكەنٸن ەشكٸم شەتكە شىعارا المايدى. تٸلٸڭ مەن دٸنٸڭ دە – سٸزدٸڭ جان دٷنيەڭٸزدەگٸ رۋحاني دٷنيەڭٸز. رۋحاني دٷنيەنٸ ۇلتتىڭ جانىنا ۇيالاتا الاتىن – انا. ال مەنٸڭ قازاعىمنىڭ بۇرىنعى انالارى مەن قازٸرگٸ انالاردى سالىستىرۋعا بولا ما? ەشكٸمدٸ جاتسىنبايتىن قازاعىم ادامي اسىل قاسيەتٸن بويىندا ساقتاسا دەيمٸن. قازاق ٶزگەگە باسقاعا ٷلگٸ بولسا ەكەن دەگەن بار ارمان-تٸلەگٸم. ونىڭ بارلىعى تەك تٸل ارقىلى عانا ۇرپاقتىڭ جانىنا ۇيالايتىنىن ەش ۋاقىتتا ۇمىتپايىق. بٸراق, ەگەر قىزدارى ٶزٸنٸڭ انا تٸلٸن بٸلمەسە – ول ۇلتىنىڭ بويىنداعى ادامي اسىل قاسيەتٸمەن, ەدەتٸن, عۇرپىن, سالتىن قالاي سەزەدٸ. تاريحتى, مەدەنيەتتٸ, ەدەبيەتتٸ جەتكٸزەتٸن كٶمەيدەگٸ سٶز بەنەن تاڭدايداعى تٸل عانا», - دەدٸ اسىلى وسمان ەلوردادا ەيەلدەر ۇيىمدارىنىڭ رٶلٸ تالقىلانىپ جاتقان جيىندا.
قوعام قايراتكەرٸنٸڭ ايتۋىنشا, دەستٷرلٸ دٸنٸمٸزدٸ ٶز قالپىندا ساقتاۋىمىز كەرەك.
«ەركٸم ٶزٸنٸڭ وتباسىندا دٸنٸن ساقتاسىن. سٸڭلٸلەرٸم, كەلٸندەرٸم انا تٸلٸن بٸلمەسە قايتٸپ ٶزٸنٸڭ ەدەتٸن, عۇرپىن, سالتىن بالاسىنىڭ بويىنا جەتكٸزە الادى. سوندىقتان, مەنٸڭ ايتارىم, ەڭ نەگٸزگٸ ۇيىتقى بولاتىن – تٸل مەن تەربيە دەر ەدٸم. باۋىرلارىم تەربيەنٸ قازٸرگٸ جاعدايدا ٷلكەنٸمٸز بولسىن, كٸشٸمٸز بولسىن - تەربيەنٸ بٸرٸنشٸ ورىنعا قويىپ, ۇرپاقتى اتا-بابامىزدان كەلە جاتقان رۋحتا تەريبەلەۋٸمٸز كەرەك», - دەدٸ اسىلى وسمان.
ايتا كەتسەك, ەلوردادا «جاستاردى رۋحاني, ادامگەرشٸلٸك تەربيەلەۋدەگٸ جەنە راديكالدى دٸني يدەولوگيياعا يممۋنيتەتتٸ قالىپتاستىرۋداعى ەيەلدەر ۇيىمدارىنىڭ رٶلٸ» اتتى رەسپۋبليكالىق عىلىمي-پراكتيكالىق كونفەرەنتسييا ٶتٸپ جاتىر.
