Qańtar oqiǵasy boiynsha qylmystyq isterdiń túpkilikti sheshimi halyqtyń nazaryna jetkiziledi. QR Bas prokýrory Berik Asylov Májilistiń jalpy otyrsynda osylai dedi, dep habarlaidy QazAqparat.
«Búginde jedel-tergeý is-sharalary jalǵasýda. Qylmyskerlerdi izdeý, dáleldemelerdi jinaqtaý men bekitý jumystary júrgizilip jatyr. Tergeý qupiiasy jáne kinásizdik prezýmptsiiasyna qatysty, zańnama talaptaryn eskerip, men, tergelip jatqan ister boiynsha shekteýli, derekterdi ǵana keltirdim. Esterińizge salaiyn, tergeý merzimi eki aidan sál ǵana asty. Mundai aýqymdy, tragediianyń barlyq mán-jaiyn anyqtaý úshin, bul ýaqyt jetkiliksiz. Kóp jaǵdaida kýálar joq. Keshendi sot saraptamalary jáne ballistikalyq zertteýler taǵaiyndaldy. Nátijelerin kútýdemiz», - dedi Bas prokýror.
Onyń aitýynsha, atalǵan jaittar bári figýranttardyń qatysý dárejesi men rólin durys saralaý, uiymdastyrýshylar men oryndaýshylardy anyqtaý jáne urlanǵan qarýdy tabý úshin qajet.
«Dei turǵanmen, barlyq qylmystyq ister boiynsha, túpkilikti sheshimder, mindetti túrde, halyqtyń nazaryna jetkiziletin bolady», - dedi Berik Asylov.
