Almaty oblysyndaǵy "Asyl Arman" turǵyn úi kesheninde 17 jastaǵy qyzdy zorlap, artynsha óltirip ketken kúdikti tergeýshilerge oqiǵanyń tolyq mán-jaiyn aityp berdi, - dep habarlaidy Patrul.kz.
Jantúrshigerlik kisi óltirý oqiǵasy 31 naýryzda bolǵan. 35 jastaǵy Dáýrenniń aitýynsha, ishimdiktiń saldarynan osy oqiǵaǵa deiin birneshe kún buryn ol áielimen urysyp qalǵan. Áieli bolsa, balalaryn alyp, Uzynaǵashtaǵy týystaryna ketip qalǵan. 31 naýryzda onyń áieli jumysqa shyǵýy kerek bolǵan. 17 jastaǵy Áigerim men balalaryn ol kúieýine qarai jibergen. Er adam balalaryn aýlaǵa oinaýǵa jiberip, al jien qaryndasyn dúkenge ishimdikke jiberedi. Áigerim týysynan esh qaýiptenbei, páterdi jinastyrýǵa kirisken.
"Iship alǵannan keiin, oǵan tiise bastadym. Munyń barlyǵy qai ýaqytta bolǵany esimde joq. Saǵat 12-de nemese birde boldy. Men ony birden tunshyqtyrdym. Sosyn men ony kiindirip, tósektiń astyna tyǵyp, jamylǵymen jaýyp tastadym. Osy kezde esik qaǵyldy. Balalar syrttan keldi. Olar sý iship, nan jep bolǵan soń qaitadan syrtqa shyqty. Taǵy da araq ishtim. Balkonǵa shyqsam, onda palas tur eken. Sony jaiyp, máiitti soǵan oradym. Eki jaǵyn skotchpen orap, divannyń astyna tyǵyp qoidym", - dedi ustalǵan er adam.
Er adamnyń aitýynsha, ol ózi ne istep qoiǵanyn birden túsinbegen. Esin jiyp, ne istegenin bilgende qorqyp ketip, jazadan qutylý joldaryn izdegen. Er adam balalardy úige kirgizip, uiyqtatyp, al ózi bolsa úidegi aqshany alyp qashyp ketken.
Eske sala keteiik, 2 sáýirde Almaty oblysynda turǵyn úi keshenderiniń birinde 17 jastaǵy qyzdyń máiiti tabylǵany jaily habarlanǵan bolatyn. IID ókilderiniń aitýynsha, "Asyl Arman" turǵyn úi kesheninde 2000 jylǵy qyzdyń máiiti tabylǵan.
Al 3 sáýirde 17 jastaǵy qyzdy zorlap óltirdi degen kúdikti ustalǵan bolatyn. 1982 jylǵy jergilikti turǵyn osy qylmysqa qatysy bar degen kúdikke ilindi. Qazirgi ýaqytta er adam Qarasai aýdandyq IIB-ne jetkizildi.
