الماتى وبلىسىنداعى "اسىل ارمان" تۇرعىن ٷي كەشەنٸندە 17 جاستاعى قىزدى زورلاپ, ارتىنشا ٶلتٸرٸپ كەتكەن كٷدٸكتٸ تەرگەۋشٸلەرگە وقيعانىڭ تولىق مەن-جايىن ايتىپ بەردٸ, - دەپ حابارلايدى Patrul.kz.
جانتٷرشٸگەرلٸك كٸسٸ ٶلتٸرۋ وقيعاسى 31 ناۋرىزدا بولعان. 35 جاستاعى دەۋرەننٸڭ ايتۋىنشا, ٸشٸمدٸكتٸڭ سالدارىنان وسى وقيعاعا دەيٸن بٸرنەشە كٷن بۇرىن ول ەيەلٸمەن ۇرىسىپ قالعان. ەيەلٸ بولسا, بالالارىن الىپ, ۇزىناعاشتاعى تۋىستارىنا كەتٸپ قالعان. 31 ناۋرىزدا ونىڭ ەيەلٸ جۇمىسقا شىعۋى كەرەك بولعان. 17 جاستاعى ەيگەرٸم مەن بالالارىن ول كٷيەۋٸنە قاراي جٸبەرگەن. ەر ادام بالالارىن اۋلاعا ويناۋعا جٸبەرٸپ, ال جيەن قارىنداسىن دٷكەنگە ٸشٸمدٸككە جٸبەرەدٸ. ەيگەرٸم تۋىسىنان ەش قاۋٸپتەنبەي, پەتەردٸ جيناستىرۋعا كٸرٸسكەن.
"ٸشٸپ العاننان كەيٸن, وعان تيٸسە باستادىم. مۇنىڭ بارلىعى قاي ۋاقىتتا بولعانى ەسٸمدە جوق. ساعات 12-دە نەمەسە بٸردە بولدى. مەن ونى بٸردەن تۇنشىقتىردىم. سوسىن مەن ونى كيٸندٸرٸپ, تٶسەكتٸڭ استىنا تىعىپ, جامىلعىمەن جاۋىپ تاستادىم. وسى كەزدە ەسٸك قاعىلدى. بالالار سىرتتان كەلدٸ. ولار سۋ ٸشٸپ, نان جەپ بولعان سوڭ قايتادان سىرتقا شىقتى. تاعى دا اراق ٸشتٸم. بالكونعا شىقسام, وندا پالاس تۇر ەكەن. سونى جايىپ, مەيٸتتٸ سوعان ورادىم. ەكٸ جاعىن سكوتچپەن وراپ, ديۆاننىڭ استىنا تىعىپ قويدىم", - دەدٸ ۇستالعان ەر ادام.
ەر ادامنىڭ ايتۋىنشا, ول ٶزٸ نە ٸستەپ قويعانىن بٸردەن تٷسٸنبەگەن. ەسٸن جيىپ, نە ٸستەگەنٸن بٸلگەندە قورقىپ كەتٸپ, جازادان قۇتىلۋ جولدارىن ٸزدەگەن. ەر ادام بالالاردى ٷيگە كٸرگٸزٸپ, ۇيىقتاتىپ, ال ٶزٸ بولسا ٷيدەگٸ اقشانى الىپ قاشىپ كەتكەن.
ەسكە سالا كەتەيٸك, 2 سەۋٸردە الماتى وبلىسىندا تۇرعىن ٷي كەشەندەرٸنٸڭ بٸرٸندە 17 جاستاعى قىزدىڭ مەيٸتٸ تابىلعانى جايلى حابارلانعان بولاتىن. ٸٸد ٶكٸلدەرٸنٸڭ ايتۋىنشا, "اسىل ارمان" تۇرعىن ٷي كەشەنٸندە 2000 جىلعى قىزدىڭ مەيٸتٸ تابىلعان.
ال 3 سەۋٸردە 17 جاستاعى قىزدى زورلاپ ٶلتٸردٸ دەگەن كٷدٸكتٸ ۇستالعان بولاتىن. 1982 جىلعى جەرگٸلٸكتٸ تۇرعىن وسى قىلمىسقا قاتىسى بار دەگەن كٷدٸككە ٸلٸندٸ. قازٸرگٸ ۋاقىتتا ەر ادام قاراساي اۋداندىق ٸٸب-نە جەتكٸزٸلدٸ.
