Astyq jinaý salasyn tsifrlandyrý jyldyq túsimdi 25 mln tonnaǵa deiin ulǵaitady. Bul týraly búgin Úkimet otyrysynda QR Premer-Ministri Asqar Mamin aitty, dep habarlaidy "Ult aqparat".
«Nur Otan» partiiasynyń sailaýaldy jańa baǵdarlamasyna sáikes bizdiń aldymyzda agroónerkásiptegi eńbek ónimdiligin 2,5 ese ósirip, ónim eksportyn eki ese ulǵaitý mindeti tur. Eksporttalatyn ónimniń 70 paiyzy óńdelgen bolýy kerek. Alǵa qoiylǵan mindetterge qol jetkizýdegi basty quraldardyń biri – elimizdiń agroónerkásip keshenin tolyq tsifrlandyrý. Ol ónim óndirýge jumsalatyn shyǵyndardy azaitýǵa, onyń sapasy men básekege qabilettiligin arttyrýǵa múmkindik beredi», - dedi Úkimet basshysy.
Premer-Ministrdiń aitýynsha, aýyl sharýashylyǵy maqsatyndaǵy 100 mln gektardan astam jer 5 jyldyń ishinde tsifrlandyrýdan ótkiziledi. Oǵan memlekettik-jekeshelik áriptestik aiasynda 50 mlrd teńge investitsiia qajet bolady.
«Qazirdiń ózinde, salany tsifrlandyrýdyń nátijesinde tiimdi tájiribe jinaqtalýda. Muny fermer qojalyqtarynyń basshylary óz sózderinde atap ótti. Ósimdik sharýashylyǵy men mal sharýashylyǵyndaǵy tsifrlandyrý jinalatyn astyq pen mal sharýashylyǵy ónimin 20 paiyzǵa deiin arttyrýǵa múmkindik beredi. Al fermerlerdiń shyǵyny 15 paiyzǵa qysqarady. Jalpy aldaǵy ýaqytta astyq jinaý salasyn tsifrlandyrý ónim túsimin jylyna 25 mln tonnaǵa deiin ulǵaitady», - dedi Asqar Mamin.
