استىق جيناۋ سالاسىن تسيفرلاندىرۋ جىلدىق تٷسٸمدٸ 25 ملن تونناعا دەيٸن ۇلعايتادى. بۇل تۋرالى بٷگٸن ٷكٸمەت وتىرىسىندا قر پرەمەر-مينيسترٸ اسقار مامين ايتتى, دەپ حابارلايدى "ۇلت اقپارات".
«Nur Otan» پارتيياسىنىڭ سايلاۋالدى جاڭا باعدارلاماسىنا سەيكەس بٸزدٸڭ الدىمىزدا اگروٶنەركەسٸپتەگٸ ەڭبەك ٶنٸمدٸلٸگٸن 2,5 ەسە ٶسٸرٸپ, ٶنٸم ەكسپورتىن ەكٸ ەسە ۇلعايتۋ مٸندەتٸ تۇر. ەكسپورتتالاتىن ٶنٸمنٸڭ 70 پايىزى ٶڭدەلگەن بولۋى كەرەك. العا قويىلعان مٸندەتتەرگە قول جەتكٸزۋدەگٸ باستى قۇرالداردىڭ بٸرٸ – ەلٸمٸزدٸڭ اگروٶنەركەسٸپ كەشەنٸن تولىق تسيفرلاندىرۋ. ول ٶنٸم ٶندٸرۋگە جۇمسالاتىن شىعىنداردى ازايتۋعا, ونىڭ ساپاسى مەن بەسەكەگە قابٸلەتتٸلٸگٸن ارتتىرۋعا مٷمكٸندٸك بەرەدٸ», - دەدٸ ٷكٸمەت باسشىسى.
پرەمەر-مينيستردٸڭ ايتۋىنشا, اۋىل شارۋاشىلىعى ماقساتىنداعى 100 ملن گەكتاردان استام جەر 5 جىلدىڭ ٸشٸندە تسيفرلاندىرۋدان ٶتكٸزٸلەدٸ. وعان مەملەكەتتٸك-جەكەشەلٸك ەرٸپتەستٸك اياسىندا 50 ملرد تەڭگە ينۆەستيتسييا قاجەت بولادى.
«قازٸردٸڭ ٶزٸندە, سالانى تسيفرلاندىرۋدىڭ نەتيجەسٸندە تيٸمدٸ تەجٸريبە جيناقتالۋدا. مۇنى فەرمەر قوجالىقتارىنىڭ باسشىلارى ٶز سٶزدەرٸندە اتاپ ٶتتٸ. ٶسٸمدٸك شارۋاشىلىعى مەن مال شارۋاشىلىعىنداعى تسيفرلاندىرۋ جينالاتىن استىق پەن مال شارۋاشىلىعى ٶنٸمٸن 20 پايىزعا دەيٸن ارتتىرۋعا مٷمكٸندٸك بەرەدٸ. ال فەرمەرلەردٸڭ شىعىنى 15 پايىزعا قىسقارادى. جالپى الداعى ۋاقىتتا استىق جيناۋ سالاسىن تسيفرلاندىرۋ ٶنٸم تٷسٸمٸن جىلىنا 25 ملن تونناعا دەيٸن ۇلعايتادى», - دەدٸ اسقار مامين.
