26 mamyr kúni astronomdar Jerdiń tý syrtynan 70 myń km/saǵ jyldamdyqpen óte shyqqan egiz asteroidty sýretke túsirip aldy, dep habarlaidy Fox News.
1999 KW4 - biri negizgi, ekinshisi shaǵyn eki asteroidtan turady. Kishi syńary tabiǵi serigi syqyldy úlkenin 2,6 km qashyqtyqta ainalyp júredi. 26 mamyr kúni asteorid Jerden 5,2 mln km qashyqtyqtan ushyp ótti.
Eýropa ońtústik observatoriiasynyń ǵalymdary egiz asteroidtyń orbitasy týraly birshama aqparattar baryn, ol Jer úshin eshqandai qaýip tóndirmeitinin aityp sendirdi.
Asteroidty anyqtaý úshin ǵalymdar VLT (Very Large Telescope) alyp teleskopyn paidalanǵan. Observatoriianyń astronomy Olive Enonyń sózine qaraǵanda, alynǵan derekter Jerge qulaý qaýpi bar asteroidtardan qorǵanýdyń tiimdi strategiialaryn ázirleýge septigin tigizedi.
«Osy málimetter asteroidtyń Jer betinde jáne atmosferasynda qandai kúige enetinin boljaý úshin asa mańyzdy», - dedi ǵalym.
Eýropa ońtústik observatoriiasynyń ókilderiniń aitýynsha, 1999 KW4 asteroidynyń Didymos jáne onyń serigi Didymoon asteroidyna uqsas tustary barshylyq. Ǵalymdar bolashaqta Didymos asteroidy Jerge qaýip tóndirýi múmkin ekenin aitady.
