Oksford ýniversitetimen birge koronavirýs vaktsinasyn jasaǵan britaniialyq-shvedtik AstraZeneca kompaniiasy preparattyń ataýyn Vaxzevria dep ózgertti, dep habarlaidy "Ult aqparat" Shvetsiianyń dári-dármekter basqarmasynyń saityna silteme jasap.
Onyń aitýynsha, vaktsina ataýynyń ózgerýi basqa ózgeristerge ákelmeidi. Sonymen qatar mamandardyń bul ataý týraly bilýi kerektigin alǵa tartady, óitkeni preparattyń qaptamasy men tańbalanýy túpnusqadan ózgeshe bolýy múmkin deidi. Eýropalyq dárilik zattar agenttigi (EMA) 25 naýryzda AstraZeneca kompaniiasy bergen tiisti ótinimdi qaraǵannan keiin vaktsinanyń jańa ataýyn maquldady.
«Vaxzevria – bul 18 jáne odan joǵary jastaǵy adamdarda SARS-CoV-2 virýsy týdyratyn koronavirýs infektsiiasynyń (COVID-19) aldyn alýǵa arnalǵan vaktsina», – delingen EMA habarlamasynda.
