Reseilik gvardiianyń sarbazdaryna shabýyl jasaǵan jáne Astrahanda politseilerdi óltirdi delingen tórt kúdiktiniń kózi joiyldy, - dep habarlaidy RIA Novosti Resei gvardiiasynyń resmi ókiline silteme jasap.
Tergeý komitetiniń ókili Andrei Hegai qaza tapqan shabýyldaýshynyń sýretiniń osyǵan deiin politseilerdi óltirýge qatysy bar qylmyskerlerge qatysty jariialanǵan izdeýde júrgenin aitqan bolatyn. Taǵy bireýi jaraqat alyp qaitys boldy, al qalǵan ekeýi qorshaýǵa alynyp kózi joiyldy. Ázirshe Resei gvardiia sarbazdary arasynda qaza tapqandar joq. Kózi joiylǵandardyń esimderi jariialanbady, alaida, boljam boiynsha olardyń qatarynda Astrahan oblysynyń turǵyndary Nurbol Saspanov pen Ramzan Kýkýlaev bar.
Qylmystyq is qozǵaldy. Oqiǵa ornynda jedel tergeý toby jumys istep jatyr.
Sondai-aq, sońǵy málimetterge qaraǵanda, Resei gvardiiasyna shabýyl jasaǵandardyń biri atysta zardap shekti. RIA Novosti quqyq qorǵaý organdaryndaǵy derekkózderge silteme jasai otyryp, onyń osyǵan deiin qaraqshylyq úshin sotty bolǵanyn jáne osydan birneshe kún buryn óltirilgen politseilerdiń ólimine qatysy bar Nurbol Saspanov ekenin habarlady.
Eske salaiyq, 2017 jyldyń 4 sáýirinde shamamen saǵat 00.27-de belgisiz bireýler Astrahandaǵy Lenin aýdany Avtozapravochnyi kóshesinde ornalasqan "Magistral" dúkeninde politseilerge shabýyl jasaǵan. Tergeýshiler bul shabýylǵa qatysy bar segiz adamnyń tulǵasyn anyqtaǵan. Olardyń ekeýi Qazaqstan týmalary ekeni habarlanǵan bolatyn.
