Halyqaralyq standarttarǵa sai jańa eskalatorlar jolaýshylar qaýipsizdigin qamtamasyz etip qana qoimai, tez tozbaidy ári resýrs únemdeýge beiim, dep habarlaidy "Ult aqparat" «Qazaqstan temir joly» AQ baspasóz qyzmetine silteme jasap.
«Eskalatorlar Aqmola liftjasaý zaýytynda jinalǵan. Qural-jabdyqtar Astana qalasynyń quzyrly memlekettik organdarynda tiisti esepke qoiyldy. Sáikestendirý nómirleri bekitilgen. Paidalanýǵa jaramdylyǵy jónindegi tehnikalyq baiqaýdan ótkizildi» delingen habarlamada.
Eske sala keteiik, eskirgen eskalatorlardy jańasyna aýystyrý jumysy 2018 jyldyń qarashasynda bastalǵan.
Astana-1 temirjol vokzaly 1990 jyldan beri jumys istep tur. Búgingi tańda vokzal ǵimaratynyń aýmaǵy - 11 myń tekshe metr. Táýligine 12 000 jolaýshyny ótkizip, 37 poiyzǵa qyzmet kórsetedi.
