حالىقارالىق ستاندارتتارعا ساي جاڭا ەسكالاتورلار جولاۋشىلار قاۋٸپسٸزدٸگٸن قامتاماسىز ەتٸپ قانا قويماي, تەز توزبايدى ەرٸ رەسۋرس ٷنەمدەۋگە بەيٸم, دەپ حابارلايدى "ۇلت اقپارات" «قازاقستان تەمٸر جولى» اق باسپاسٶز قىزمەتٸنە سٸلتەمە جاساپ.
«ەسكالاتورلار اقمولا ليفتجاساۋ زاۋىتىندا جينالعان. قۇرال-جابدىقتار استانا قالاسىنىڭ قۇزىرلى مەملەكەتتٸك ورگاندارىندا تيٸستٸ ەسەپكە قويىلدى. سەيكەستەندٸرۋ نٶمٸرلەرٸ بەكٸتٸلگەن. پايدالانۋعا جارامدىلىعى جٶنٸندەگٸ تەحنيكالىق بايقاۋدان ٶتكٸزٸلدٸ» دەلٸنگەن حابارلامادا.
ەسكە سالا كەتەيٸك, ەسكٸرگەن ەسكالاتورلاردى جاڭاسىنا اۋىستىرۋ جۇمىسى 2018 جىلدىڭ قاراشاسىندا باستالعان.
استانا-1 تەمٸرجول ۆوكزالى 1990 جىلدان بەرٸ جۇمىس ٸستەپ تۇر. بٷگٸنگٸ تاڭدا ۆوكزال عيماراتىنىڭ اۋماعى - 11 مىڭ تەكشە مەتر. تەۋلٸگٸنە 12 000 جولاۋشىنى ٶتكٸزٸپ, 37 پويىزعا قىزمەت كٶرسەتەدٸ.
