Foto: canva.com
Elordada sheteldikterge zańsyz qujattar daiyndaǵan eki azamat sottaldy, dep habarlaidy Ult.kz.
Bas prokýratýranyń málimetine súiensek, olar Qyrǵyzstan, Tájikstan, Ázerbaijan jáne Resei Federatsiiasynan kelgen 49 sheteldikke Qazaqstan azamattyǵyn jáne ýaqytsha turýǵa ruqsat alýdy zańsyz uiymdastyrǵan.
"Olardyń biri jalǵan neke kýálikterin, meditsinalyq anyqtamalardy jáne basqa da qujattardy jasap, ekinshisi klientterdi taýyp, birinshisimen bailanystyrǵan. Qylmystyq is-árekettiń nátijesinde olar ár sheteldikten 80 myń teńgeden 1 mln teńgege deiin tabys tapqan. Sotta memlekettik aiyptaýshymen sottalýshylardyń kinási dáleldendi. Sot úkimimen olarǵa 1 jyl 6 ai jáne 2 jylǵa bas bostandyǵynan aiyrý jazasy taǵaiyndaldy", – delingen habarlamada.
Tergeý barysynda olardyń ieliginen 107 myń dollar, 2,5 million teńge jáne 200 myń rýbl tárkilendi.
