Nur-Sultan qalasynda sý tutynýshylardyń qaryzy 1 mlrd 120 mln teńgeni quraidy. Bul týraly «Astana sý arnasy» mekemesi ekonomikalyq josparlaý bóliminiń bas mamany Vitalii Artamonov málim etti, dep habarlaidy QazAqparat.
«Biyl 8 aidyń qorytyndysy boiynsha tutynýshylardyń sýǵa qaryzy 1 mlrd 120 mln teńgeni qurap otyr. Atalǵan somanyń 159 mln teńgesi jeke tulǵalardyń qaryzy. Qalǵan bereshek somasy zańdy tulǵalarǵa tiesili. Erekshe toqtalyp ótetin jait, elordada zańdy tulǵalar 963 mln teńge sýǵa qaryz. Sol somanyń 559 mln teńgesi neshe jyl buryn jabylyp qalǵan nemese bankrotqa ushyraǵan mekemelerge tiesili. Iaǵni bereshek uiymdar qyzmetin áldeqaida toqtatqan. Joq desek te bolady. Osy oraida biz qalalyq ákimdikke qyzmeti toqtaǵan mekemelerdiń sýǵa bereshegin joiý kerektigin, iaǵni esepten shyǵarýdy usyndyq», - dedi Vitalii Artamonov BAQ ókilderine arnalǵan baspasóz týry barysynda.
Onyń aitýynsha, qyzmeti toqtaǵan mekemelerdiń sýǵa bereshegi máselesi búginde qalalyq ákimdik deńgeiinde qaralyp jatyr.
Sondai-aq, atalǵan mekeme ókili elordada jylyna 82 mln tekshe metr sý qoldanylatynyn aitty.
