نۇر-سۇلتان قالاسىندا سۋ تۇتىنۋشىلاردىڭ قارىزى 1 ملرد 120 ملن تەڭگەنٸ قۇرايدى. بۇل تۋرالى «استانا سۋ ارناسى» مەكەمەسٸ ەكونوميكالىق جوسپارلاۋ بٶلٸمٸنٸڭ باس مامانى ۆيتاليي ارتامونوۆ مەلٸم ەتتٸ, دەپ حابارلايدى قازاقپارات.
«بيىل 8 ايدىڭ قورىتىندىسى بويىنشا تۇتىنۋشىلاردىڭ سۋعا قارىزى 1 ملرد 120 ملن تەڭگەنٸ قۇراپ وتىر. اتالعان سومانىڭ 159 ملن تەڭگەسٸ جەكە تۇلعالاردىڭ قارىزى. قالعان بەرەشەك سوماسى زاڭدى تۇلعالارعا تيەسٸلٸ. ەرەكشە توقتالىپ ٶتەتٸن جايت, ەلوردادا زاڭدى تۇلعالار 963 ملن تەڭگە سۋعا قارىز. سول سومانىڭ 559 ملن تەڭگەسٸ نەشە جىل بۇرىن جابىلىپ قالعان نەمەسە بانكروتقا ۇشىراعان مەكەمەلەرگە تيەسٸلٸ. ياعني بەرەشەك ۇيىمدار قىزمەتٸن ەلدەقايدا توقتاتقان. جوق دەسەك تە بولادى. وسى ورايدا بٸز قالالىق ەكٸمدٸككە قىزمەتٸ توقتاعان مەكەمەلەردٸڭ سۋعا بەرەشەگٸن جويۋ كەرەكتٸگٸن, ياعني ەسەپتەن شىعارۋدى ۇسىندىق», - دەدٸ ۆيتاليي ارتامونوۆ باق ٶكٸلدەرٸنە ارنالعان باسپاسٶز تۋرى بارىسىندا.
ونىڭ ايتۋىنشا, قىزمەتٸ توقتاعان مەكەمەلەردٸڭ سۋعا بەرەشەگٸ مەسەلەسٸ بٷگٸندە قالالىق ەكٸمدٸك دەڭگەيٸندە قارالىپ جاتىر.
سونداي-اق, اتالعان مەكەمە ٶكٸلٸ ەلوردادا جىلىنا 82 ملن تەكشە مەتر سۋ قولدانىلاتىنىن ايتتى.
