Elorda jurtynyń 80 paiyzdan astamy halyq sanaǵynan ótti. Bul týraly Nur-Sultan qalasy ákiminiń orynbasary Malika Bekturova málim etti, dep habarlaidy QazAqparat.
«Ózderińiz biletindei, 1 qazannan bastap elimizdiń barlyq aýmaǵynda halyq sanaǵynyń ekinshi kezeńi bastaldy. Búginde 14 millionnan astam qazaqstandyq sanaqtan onlain nemese oflain formatta ótti. Elordaǵa kelsek, halyq sanaǵy joǵary qarqynmen júrýde. Kópshilik jumysta bolǵandyqtan sanaqtan onlain ótip jatyr. Onlain format halyq úshin yńǵaily, sanaq júrgizý úshin tiimdi bolyp otyr», - dedi Malika Bekturova ákimdikte ótken baspasóz máslihatynda.
Sondai-aq ákim orynbasary elordalyqtardy sanaqqa belsendi qatysýǵa shaqyrdy.
«Qazirgi ýaqytta elorda halqynyń 80 paiyzdan astamy sanaqtan ótti. Bul aitarlyqtai kórsetkish, turǵyndardyń belsendiligi úshin qýanyshtymyz. Halyq sanaǵy 30 qazanǵa deiin jalǵasady, osy oraida sanaqtan ótpegen azamattardy belsendi bolýǵa shaqyramyz. Bul protsess el ekonomikasyn odan ári damytý strategiiasy úshin mańyzdy. Bul – bizdiń azamattyq paryzymyz», - deidi ol.
