ەلوردا جۇرتىنىڭ 80 پايىزدان استامى حالىق ساناعىنان ٶتتٸ. بۇل تۋرالى نۇر-سۇلتان قالاسى ەكٸمٸنٸڭ ورىنباسارى ماليكا بەكتۇروۆا مەلٸم ەتتٸ, دەپ حابارلايدى قازاقپارات.
«ٶزدەرٸڭٸز بٸلەتٸندەي, 1 قازاننان باستاپ ەلٸمٸزدٸڭ بارلىق اۋماعىندا حالىق ساناعىنىڭ ەكٸنشٸ كەزەڭٸ باستالدى. بٷگٸندە 14 ميلليوننان استام قازاقستاندىق ساناقتان ونلاين نەمەسە وفلاين فورماتتا ٶتتٸ. ەلورداعا كەلسەك, حالىق ساناعى جوعارى قارقىنمەن جٷرۋدە. كٶپشٸلٸك جۇمىستا بولعاندىقتان ساناقتان ونلاين ٶتٸپ جاتىر. ونلاين فورمات حالىق ٷشٸن ىڭعايلى, ساناق جٷرگٸزۋ ٷشٸن تيٸمدٸ بولىپ وتىر», - دەدٸ ماليكا بەكتۇروۆا ەكٸمدٸكتە ٶتكەن باسپاسٶز مەسليحاتىندا.
سونداي-اق ەكٸم ورىنباسارى ەلوردالىقتاردى ساناققا بەلسەندٸ قاتىسۋعا شاقىردى.
«قازٸرگٸ ۋاقىتتا ەلوردا حالقىنىڭ 80 پايىزدان استامى ساناقتان ٶتتٸ. بۇل ايتارلىقتاي كٶرسەتكٸش, تۇرعىنداردىڭ بەلسەندٸلٸگٸ ٷشٸن قۋانىشتىمىز. حالىق ساناعى 30 قازانعا دەيٸن جالعاسادى, وسى ورايدا ساناقتان ٶتپەگەن ازاماتتاردى بەلسەندٸ بولۋعا شاقىرامىز. بۇل پروتسەسس ەل ەكونوميكاسىن ودان ەرٸ دامىتۋ ستراتەگيياسى ٷشٸن ماڭىزدى. بۇل – بٸزدٸڭ ازاماتتىق پارىزىمىز», - دەيدٸ ول.
