Ótken jeksenbide 2 myńnan astam adam ashylýyna kelgen «Romantic» gúlder ortalyǵynyń ákimshiligi karantin talaptaryn buzǵany úshin 670 910 teńge tóleidi. Bul týraly Sanitarlyq-epidemiologiialyq baqylaý komitetiniń resmi ókili Erjan Baitanaev aitty, dep habarlaidy "Ult aqparat".
Onyń atap ótýinshe, elordadaǵy Máńgilik el dańǵyly, 47 mekenjaiynda ornalasqan «Romantic» gúl satý ortalyǵy mańynda adam kóp jinalýyna qatysty Esil aýdandyq sanitarlyq-epidemiologiialyq baqylaý basqarmasy tekserý júrgizip, karantin talaptarynyń buzylǵanyn anyqtaǵan.
Atalǵan jospardan tys tekserý Bas prokýratýranyń quqyqtyq statistika organdarynda tirkelgen.
«Qazirgi ýaqytta kásipkerlik sýbektisine qatysty tekserý qorytynysy týraly akti, uiǵarym ázirlengen jáne QR Ákimshilik quqyq buzý kodeksiniń 425-baby 1-tarmaǵy boiynsha hattama rásimdelip jatyr. Sýbekti sanatyn eskere otyryp 230 AEK mólsherinde aiyppul belgilengen», - dedi Erjan Baitanaev.
Eske sala ketsek, Esil aýdandyq ákimdigi men politsiia mamandarynan quralǵan monitoringtik top 2 myńnan astam adamnyń qatysýymen ótken is-sharada Nur-Sultan qalasynyń bas sanitar dárigeriniń qaýlysyn buzý faktisin anyqtady.
Dúken ashylý qurmetine utys oiynyn ótkizgen.
