Astanadaǵy ShQO kúnderi aiasynda Qazaqstan Respýblikasy Ulttyq mýzeiinde oblys sýretshileriniń qylqalamynan shyqqan týyndylardyń «Ýaqyt portretterine shtrihter» atty sýret kórmesi ótti. Aimaqtyń tabiǵaty men tynysy jaily ǵana emes, sýretshiniń ishki álemi jaily baiandaityn týyndylar elorda turǵyndaryn tánti etti.
Sýret kórmesine jalpy 35 sýretshiniń shyǵarmalary qoiylǵan. Sýretter arasynan Oralhan Bókeidiń otany Katonqaraǵai men Kendi Altaidyń tabiǵaty jaily týyndylardy da kezdestirýge bolady.
Kórmede bolyp qaitqan ShQO ákiminiń orynbasary Jaqsylyq Omardyń aitýynsha, «Ýaqyt portretterine shtrihter» sýretter kórmesi elordalyqtardy tamsandyryp qana qoimai, Astana men Shyǵys Qazaqstannyń shyǵarmashylyq álemin jaqyndastyra túspek.
Sondai-aq, atalǵan mýzeide «Úlken jol kezeńderi» atty foto kórme ótti. Táýelsizdiktiń 25 jyldyǵyna orailastyrylǵan kórmege tek oblystyń tabiǵaty jaily ǵana emes, sonymen qatar damý kezeńderin baiandaityn sýretter qoiylǵan.
