استاناداعى شقو كٷندەرٸ اياسىندا قازاقستان رەسپۋبليكاسى ۇلتتىق مۋزەيٸندە وبلىس سۋرەتشٸلەرٸنٸڭ قىلقالامىنان شىققان تۋىندىلاردىڭ «ۋاقىت پورترەتتەرٸنە شتريحتەر» اتتى سۋرەت كٶرمەسٸ ٶتتٸ. ايماقتىڭ تابيعاتى مەن تىنىسى جايلى عانا ەمەس, سۋرەتشٸنٸڭ ٸشكٸ ەلەمٸ جايلى باياندايتىن تۋىندىلار ەلوردا تۇرعىندارىن تەنتٸ ەتتٸ.
سۋرەت كٶرمەسٸنە جالپى 35 سۋرەتشٸنٸڭ شىعارمالارى قويىلعان. سۋرەتتەر اراسىنان ورالحان بٶكەيدٸڭ وتانى كاتونقاراعاي مەن كەندٸ التايدىڭ تابيعاتى جايلى تۋىندىلاردى دا كەزدەستٸرۋگە بولادى.
كٶرمەدە بولىپ قايتقان شقو ەكٸمٸنٸڭ ورىنباسارى جاقسىلىق وماردىڭ ايتۋىنشا, «ۋاقىت پورترەتتەرٸنە شتريحتەر» سۋرەتتەر كٶرمەسٸ ەلوردالىقتاردى تامساندىرىپ قانا قويماي, استانا مەن شىعىس قازاقستاننىڭ شىعارماشىلىق ەلەمٸن جاقىنداستىرا تٷسپەك.
سونداي-اق, اتالعان مۋزەيدە «ٷلكەن جول كەزەڭدەرٸ» اتتى فوتو كٶرمە ٶتتٸ. تەۋەلسٸزدٸكتٸڭ 25 جىلدىعىنا ورايلاستىرىلعان كٶرمەگە تەك وبلىستىڭ تابيعاتى جايلى عانا ەمەس, سونىمەن قاتار دامۋ كەزەڭدەرٸن باياندايتىن سۋرەتتەر قويىلعان.
