Foto: ashyq derekkóz
Astanada Qarttar kúnine orai zeinetkerlerge áleýmettik qoldaý kórsetiledi, dep habarlaidy Ult.kz.
Biyl 100 myńnan astam zeinetkerge 10 myń teńge kóleminde birjolǵy tólem jasalady. Bul soma – 2,5 ailyq eseptik kórsetkishke teń.
Dál osyndai áleýmettik kómek elorda zeinetkerlerine ótken jyly da berilgen bolatyn.
Al Almaty qalasynda mundai tólem qarastyrylmaǵan. Qala biliginiń málimetinshe, zeinetkerlerge biýdjet esebinen 13 túrli áleýmettik qyzmet usynylady.
Qazaqstanda Qarttar kúni 1 qazanda atap ótiledi.
