Elorda politsiia qyzmetkerleri halyqaralyq izdeýde júrgen kúdiktini ustady, dep habarlaidy "Ult aqparat".
Nu-Sultan qalasy politsiia departamentiniń habarlaýynsha, ustalǵan azamat 31 jastaǵy astanalyq turǵyndy óltirdi dep aiyptalyp otyr.
«2017 jyldyń jeltoqsan aiynda marqum dene jaraqattarymen qalalyq aýrýhanaǵa jetkizilgen bolatyn. Qylmys túngi klýbtaǵy tóbeles kezinde jasalǵany anyqtaldy. Kúdikti oiyn-saýyq mekemesinde saǵat 05.30-da jábirlenýshini pyshatap, qashyp ketken. Osy ýaqyttan bastap ol Resei aýmaǵynda jáne Qazaqstannyń shalǵai aimaqtarynda jasyrynyp júrdi. Kúdikti Nur-Sultanda ustaldy», -dep jazady politsiianyń baspasóz qyzmeti.
Kúdiktini ustaý operatsiiasy Qabanbai batyr kóshesindegi jaldamaly páterde ótken. Buryn da sotty bolǵan 41 jastaǵy kúdikti Nur-Sultan qalasynyń tergeý izoliatoryna qamaldy. Tergeý amaldary júrgizilip jatyr.
