Elordada áiel 8 jasar qyzyn jazalaý úshin ony sheshindirip, dalaǵa shyǵaryp jibergen. Aiazdy kúni qar ústinde otyrǵan kishkentai qyzdyń fotosy áleýmettik jelilerde tarap ketti.
Qyz balanyń fotosyn áleýmettik jelige júktegen Facebook qoldanýshysy anasy balasynyń erkeligin kótere almai, osyndai jolmen jazalaǵanyn aitady. Ekinshi fotoda kishkentai qyz edende uiyqtap jatyr.
Nur-Sultan qalalyq Politsiia departamentiniń málimetinshe, 23 jeltoqsan kúni jergilikti turǵyndardyń biri habarlasyp, kórshisiniń balalaryn uryp jatqanyn aitqan. Onyń sózinshe, áiel 6 jasar balasyn uryp, 8 jasar qyzyn dalaǵa qýyp shyqqan.
«Politsiia qyzmetkerleri 35 jastaǵy áieldi anyqtady. Ol balalarynyń kórshi úidegi zattardy ruqsatsyz alǵany úshin osyndai jaza túrin qoldanǵanyn aitty. Qazir bul otbasy Nur-Sultan qalalyq Politsiia departamentiniń esebine alyndy. Balalardyń ata-anasyna qatysty tiisti sharalar qoldaný úshin oqiǵanyń mán-jaiyn politseilermen birge Bilim basqarmasynyń mamandary da anyqtap jatyr», - delingen politsiia taratqan habarlamada.
