Ýkrainada Astanadaǵy saýda-oiyn-saýyq ortalyqtarynyń birine jarylǵysh zat qoiylǵany týraly kórineý jalǵan habarlama jiberdi degen kúdikpen kámeletke tolmaǵan jasóspirim ustaldy, dep habarlaidy ult.kz.
Qazaqstan Ishki ister ministrliginiń málimetinshe, oqiǵa 26 tamyzda Ýkrainanyń Sýmy qalasynda bolǵan. Jasóspirim Qazaqstandaǵy saýda-oiyn-saýyq ortalyqtarynyń birinde jarylǵysh zat jasyrylǵany týraly jalǵan aqparat jibergen. Ol Qazaqstan IIM men Ýkraina kiberpolitsiiasynyń birlesken jumysy nátijesinde anyqtalyp, ustalǵan.
Tintý kezinde kúdiktiden uialy telefondar, planshet, noýtbýk, júielik blok jáne bank kartasy tárkilendi. Elektrondy qurylǵylardy tekserý barysynda jalǵan habarlama jiberilgen akkaýnt, onyń mátini jáne iske qatysty ózge de tsifrlyq dálelder anyqtalǵan.
Qazir tárkilengen tehnikalarǵa taldaý júrgizilip jatyr. Quqyq qorǵaý organdary yqtimal sybailastaryn anyqtap, jasóspirimniń osyǵan uqsas basqa da faktilerge qatysy bar-joǵyn tekserýde.
Qazaqstan men Ýkraina quqyq qorǵaý organdary istiń mán-jaiyn anyqtap, odan ári protsestik sheshim qabyldaý boiynsha jumysty jalǵastyryp jatyr.
IIM nysandy jarý, terrorizm jasaý, adamdy kepilge alý jáne qaýipsizdikke qater tóndiretin ózge de áreketter týraly jalǵan habar bergeni úshin zańda jaýapkershilik qarastyrylǵanyn eskertti.
Buǵan deiin Petropavlda mektepke jarylǵysh zat qoiyldy dep «ázildegen» jasóspirim sottalǵan bolatyn.
