Elordalyq túngi klýbtyń 22 jastaǵy barmeni esirtki taratqany úshin ustaldy, – dep habarlaidy Polisia.kz.
Kúdikti óziniń jumys ornynda – túngi klýbtyń bar ústelinde mefedron satýdy uiymdastyryp, jastardy azǵyrǵan.
"Astana qalasy Esirtki qylmysyna qarsy is-qimyl basqarmasynyń qyzmetkerleri qalalyq prokýratýranyń ókimi sheńberinde jáne ony úilestirý kezinde jedel-izdestirý is-sharalary keshenin ótkizgennen keiin jetkilikti dáleldeme bazasyn alyp, esirtkini oiyn-saýyq oryndarynda ótkizgeni úshin túngi klýbta barmen bolyp jumys isteitin jas jigitti ustady" - delingen habarlamada.
Budan ári tergeý amaldary ustalǵan azamattyń turǵylyqty mekenjaiy boiynsha jalǵasqan.
"Ustalǵan azamattyń dosymen birge jalǵa alǵan páterin tintý kezinde “kannabis” jáne “sintetikalyq” toptyń esirtki zattary da tárkilendi. Bul shamamen 20 dana bir rettik dozany quraidy. Ustalǵan azamat aldaǵy kúnderi ony ótkizýdi josparlaǵan", – dedi elordalyq Politsiia departamenti Esirtki qylmysyna qarsy is-qimyl basqarmasy bastyǵy Rýstam Gasizov.
Jedel-izdestirý is-sharalary barysynda barlyǵy 4 gramm mefedron jáne 11 gramm gashish tárkilengen.
"Esirtkini asa iri mólsherde ótkizý faktisi boiynsha sotqa deiingi tergeý amaldary júrgizilip jatyr. Kúdiktiniń múlki tárkilendi. Ustalǵan azamat Astana qalasy PD Ýaqytsha ustaý izoliatoryna qamaldy. Ol on jyldan on bes jylǵa deiin bas bostandyǵynan aiyrylýy múmkin" - delingen habarlamada.
