"Nur Otan" partiiasynyń janynan balalar quqyǵyn qorǵaý jónindegi respýblikalyq keńes quryldy, dep habarlaidy Sputnik Qazaqstan tilshisi.
"Nur Otan" partiiasy kóp balaly otbasylarǵa júieli qoldaý kórsetip, óskeleń urpaqtyń quqyqtary men zańdyq múddelerin qorǵaýdy odan ári jandandyrýdy qolǵa almaq.
"Nur Otan" partiiasy tóraǵasynyń birinshi orynbasary Máýlen Áshimbaev keńes qurý týraly ideia kópten beri aitylyp júrgenin atap ótti.
"Ókinishke qarai, Astanada bolǵan qaiǵyly oqiǵa keńestiń qurylýyn jedeldetti. Bul aýyr tragediia, budan bárimiz sabaq alýymyz kerek. Bolashaqta mundai tragediia qaitalanbas úshin qoldan kelgenniń bárin jasaýymyz qajet", - dedi Áshimbaev keńestiń alǵashqy otyrysynda.
Atalǵan keńes ákimdiktermen jáne memlekettik organdarmen tyǵyz jumys isteidi.
Keńestiń basty maqsaty – kóp balaly otbasylarǵa júieli qoldaý kórsetý jáne jumys isteitin kóp balaly analarǵa liyqty jaǵdai jasaý týraly usynystar men sharalar daiarlaý, sondai-aq balalar quqyǵyn qorǵaý máselelerin retteitin zańnamalardy taldaý.
