Astanadaǵy tótenshe jaǵdaidyń mán-jaiy anyqtaldy, - dep habarlaidy Tengrinews.kz.
Qazaqstannyń aqparat jáne kommýnikatsiialar ministri Dáýren Abaevtyń aitýynsha, turmystyq sipattaǵy qaqtyǵys bolǵan.
"Qaqtyǵys tolyqtai sheshildi. Biz Astana turǵyndaryn arandatýǵa ermeýge shaqyramyz, taiaý ýaqyttarda elorda IID ókilderi oqiǵa jaily tolyqtai pikir bildiredi. Qaqtyǵys turmystyq sipatta. Ákimnen pikir bolady. Dúrbeleń men oisyz áreket jasamaýǵa shaqyramyz", - dedi vedomstvo basshysy.
Al óz kezeginde elorda ákimi Áset Isekeshev te bul oqiǵanyń turmystyq sipattaǵy qaqtyǵys ekenin aitty. "Kúzetshiler men sheteldik jumysshylar qaqtyǵysqan. Quqyq qorǵaý organdarynyń qyzmetkerleri oqiǵa ornyna bardy. Oqiǵa sheshildi. Turǵyndardy arandap qalmaýǵa shaqyramyz", - dep pikir bildirdi Isekeshev.
Aita keteiik, osyǵan deiin Astanada politsiia kólikteri birneshe kósheni qorshaýǵa alǵany habarlanǵan edi. Naqtyraq aitqanda, Almaty, Jánibek Kerei handar, Aqmeshit jáne Túrkistan kósheleri qorshaýǵa alynǵan. Oqiǵa ornynda quqyq qorǵaý organdarynyń qyzmetkerleri júrgen. Al áleýmettik jeli qoldanýshylary oqiǵa ornynan sýretter men videolar jariialap jatyr. Kadrlardan politseilerdi, órt sóndirý kólikterin, bir top adamdy kórýge bolady.
Tolyǵyraq: https://massaget.kz/layfstayl/sport/zhanalyktar/47896/
Materialdy kóshirip basqanda Massaget.kz saityna gipersilteme mindetti túrde qoiylýy tiis. Avtorlyq quqyqty saqtańyz
