Almaty ákiminiń orynbasary Serik Qusaiynov qala men onyń mańyndaǵy LRT qurylysy týraly aitty. Ol "Almaty aglomeratsiiasy boiynsha kólik infraqurylymynyń jai-kúii men damý perspektivalary" taqyrybynda óz pikirin bildirdi, - dep habarlaidy Tengrinews.kz tilshisi.
Qusaiynovtyń aitýynsha, kelesi jyly joǵary Talǵar trassasy boiynsha LRT qurylysy bastalady. Ol úshin jeńil relsti tramvai jobasyn óz esebinen salatyn jeke investor tartylady. Alaida kezdesýde qatysýshylardyń biri bul pikirmen kelispedi.
"Rail Jet kompaniiasy men Talǵar LRT qurylysy týraly kóptegen suraq bar, óitkeni olar óz qarajaty esebinen tramvai salýǵa ýáde beredi deý durys emes. Olar biýdjetten qarajat talap etedi, biraq ol kezde astanadaǵy stsenarii qaitalanbaityndai ashyq túrde júzege asyrylýy tiis", - dedi Qazaqstandaǵy BUU damý baǵdarlamasy "Almatynyń turaqty kóligi" jobasynyń menedjeri Elena Erzakovich.
Onyń dálelderine jaýap bere otyryp, Almaty ákiminiń orynbasary elordadaǵy tájiribeni qaitalamaýǵa ýáde berdi.
"Astanadaǵy stsenarii qaitalanbaidy. Qala ákimdigi qarajat bólmeidi, bul - memlekettik-jekemenshik áriptestik. Joba iske asyrylǵannan keiin biýdjetten qarajat bólinedi. Zańǵa sáikes, barlyq kásiporynǵa bólinetin sekildi sýbsidiia bólemiz", - dedi Serik Qusaiynov.
Buǵan deiin Baqytjan Saǵyntaev LRT qurylysyna biýdjetten 300 million dollar kerek ekenin málimdegen bolatyn. Almaty ákimi óziniń keiingi túsiniktemelerinde qala biýdjeti mundai qymbat jobany tarta almaitynyn, al respýblikalyq biýdjetten bólinetin qarajat metropoliten qurylysyna jumsalatynyn málimdedi.
Eske salaiyq, 2017 jyly Almaty ákimdigi LRT 2021 jyly qoldanysqa beriletinin habarlaǵan bolatyn. 2018 jylǵy 29 tamyzda "Almatyda jeńil relsti kólik jelisin salý" jobasy boiynsha jekemenshik áriptestikti aiqyndaý jóninde halyqaralyq deńgeidegi eki kezeńnen turatyn konkýrstyń birinshi kezeńi jariialandy.
Joba boiynsha jekemenshik seriktesti izdeý konkýrsynyń birinshi kezeńi 2019 jyldyń qańtarynda aiaqtaldy, biraq konkýrstyń ekinshi kezeńi ótkizilmedi.
