الماتى ەكٸمٸنٸڭ ورىنباسارى سەرٸك قۇسايىنوۆ قالا مەن ونىڭ ماڭىنداعى LRT قۇرىلىسى تۋرالى ايتتى. ول "الماتى اگلومەراتسيياسى بويىنشا كٶلٸك ينفراقۇرىلىمىنىڭ جاي-كٷيٸ مەن دامۋ پەرسپەكتيۆالارى" تاقىرىبىندا ٶز پٸكٸرٸن بٸلدٸردٸ, - دەپ حابارلايدى Tengrinews.kz تٸلشٸسٸ.
قۇسايىنوۆتىڭ ايتۋىنشا, كەلەسٸ جىلى جوعارى تالعار تراسساسى بويىنشا LRT قۇرىلىسى باستالادى. ول ٷشٸن جەڭٸل رەلستٸ ترامۆاي جوباسىن ٶز ەسەبٸنەن سالاتىن جەكە ينۆەستور تارتىلادى. الايدا كەزدەسۋدە قاتىسۋشىلاردىڭ بٸرٸ بۇل پٸكٸرمەن كەلٸسپەدٸ.
"Rail Jet كومپانيياسى مەن تالعار LRT قۇرىلىسى تۋرالى كٶپتەگەن سۇراق بار, ٶيتكەنٸ ولار ٶز قاراجاتى ەسەبٸنەن ترامۆاي سالۋعا ۋەدە بەرەدٸ دەۋ دۇرىس ەمەس. ولار بيۋدجەتتەن قاراجات تالاپ ەتەدٸ, بٸراق ول كەزدە استاناداعى ستسەناريي قايتالانبايتىنداي اشىق تٷردە جٷزەگە اسىرىلۋى تيٸس", - دەدٸ قازاقستانداعى بۇۇ دامۋ باعدارلاماسى "الماتىنىڭ تۇراقتى كٶلٸگٸ" جوباسىنىڭ مەنەدجەرٸ ەلەنا ەرزاكوۆيچ.
ونىڭ دەلەلدەرٸنە جاۋاپ بەرە وتىرىپ, الماتى ەكٸمٸنٸڭ ورىنباسارى ەلورداداعى تەجٸريبەنٸ قايتالاماۋعا ۋەدە بەردٸ.
"استاناداعى ستسەناريي قايتالانبايدى. قالا ەكٸمدٸگٸ قاراجات بٶلمەيدٸ, بۇل - مەملەكەتتٸك-جەكەمەنشٸك ەرٸپتەستٸك. جوبا ٸسكە اسىرىلعاننان كەيٸن بيۋدجەتتەن قاراجات بٶلٸنەدٸ. زاڭعا سەيكەس, بارلىق كەسٸپورىنعا بٶلٸنەتٸن سەكٸلدٸ سۋبسيدييا بٶلەمٸز", - دەدٸ سەرٸك قۇسايىنوۆ.
بۇعان دەيٸن باقىتجان ساعىنتاەۆ LRT قۇرىلىسىنا بيۋدجەتتەن 300 ميلليون دوللار كەرەك ەكەنٸن مەلٸمدەگەن بولاتىن. الماتى ەكٸمٸ ٶزٸنٸڭ كەيٸنگٸ تٷسٸنٸكتەمەلەرٸندە قالا بيۋدجەتٸ مۇنداي قىمبات جوبانى تارتا المايتىنىن, ال رەسپۋبليكالىق بيۋدجەتتەن بٶلٸنەتٸن قاراجات مەتروپوليتەن قۇرىلىسىنا جۇمسالاتىنىن مەلٸمدەدٸ.
ەسكە سالايىق, 2017 جىلى الماتى ەكٸمدٸگٸ LRT 2021 جىلى قولدانىسقا بەرٸلەتٸنٸن حابارلاعان بولاتىن. 2018 جىلعى 29 تامىزدا "الماتىدا جەڭٸل رەلستٸ كٶلٸك جەلٸسٸن سالۋ" جوباسى بويىنشا جەكەمەنشٸك ەرٸپتەستٸكتٸ ايقىنداۋ جٶنٸندە حالىقارالىق دەڭگەيدەگٸ ەكٸ كەزەڭنەن تۇراتىن كونكۋرستىڭ بٸرٸنشٸ كەزەڭٸ جارييالاندى.
جوبا بويىنشا جەكەمەنشٸك سەرٸكتەستٸ ٸزدەۋ كونكۋرسىنىڭ بٸرٸنشٸ كەزەڭٸ 2019 جىلدىڭ قاڭتارىندا اياقتالدى, بٸراق كونكۋرستىڭ ەكٸنشٸ كەزەڭٸ ٶتكٸزٸلمەدٸ.
